Ilang Nephalem din ang napabagsak namin ni Lucian bago namin narating ang isang higanteng bato na nakaharang sa daan. Doon ko nararamdaman ang malakas na aura ni Marco.
"Ano pa ang hinihintay mo, Yuri? Pasabugin mo na ang batong iyan para makadaan na tayo. Napapagod na ako sa pakikipagsuntukan sa mga kalahi mo!" malakas niyang pagrereklamo habang iniiwasan ang suntok na tatama sa kanyang mukha galing sa Nephalem na nakaibabaw sa kanya. Hindi ko siya pinansin dahil alam ko namang kaya niya iyong talunin. Abala ako ngayon ng marka sa baro na maaaring humati rito.
"Hindi ko pwedeng basta na lang pasabugin ang bato, Lucian. Maaari kong mapatay si Marco kapag ginawa ko iyon. Nararamdaman ko ang aura niya sa loob ng bato."
Tumayo na si Lucian habang pinapagpag niya ang dumi sa kanyang kataw
