Kaagad kong dinaluhan si Marco pagkatapos kong magpalit ng anyo. Inakay ko ang kanyang ulo at pinaunan sa mga hita ko.
"Marco? Gumising ka. Marco!" panggigising ko rito ngunit kahit anong yugyog ang gawin ko ay hindi bumabalik ang malay niya. Napakabilis ng t***k ng puso ko dahil sa takot na nararamdaman ko para sa kaibigan ko.
"Yuri, parang hindi na siya humihinga."
Natigilan ako sa sinabi ni Lucian. Kinumpirma niya kasi ang hinala ko kanina pa.
Ilang beses akong huminga nang malalim. Pilit kong pinapakalma ang ssrili ko dahil nararamdaman ko na naman ang matinding init na nagmumula sa loob ng katawan ko dala ng sobrang galit ko para may Imperius dahil sa ginawa niya kay Marco.
"Yuri, ang mga mata mo!" Napatingin ako Kay Lucian dahil sa sumunod na sinabi niya.
"Ano? Anong nang
