"Jay!"
Ang malakas na pagsigaw sa pangalan ko kasama na ang isang sampal na tumama sa mukha ko ang siyang gumising sa akin mula sa nakakakilabot na bangungot na iyon.
Bumalikwas ako ng bangon at muntik pa kaming magkauntugan ni Yuri. Nanlalaki ang mga mata kong napatitig sa kanya samantalang naniningkit naman ang sa kanya.
"Y--yuri!" tula nagpapasaklolong tawag ko sa kanya. Bago ko pa namalayan ay yakap-yakap na niya ako.
"Relax, Jay. It's only a bad dream," narinig kong sambit niya habang hinahaplos niya ang likuran ko upang patahanin ako. Ni hindi ko namalayang umiiyak na pala ako.
Napapikit ako at napayukyok sa dibdib ni Yuri nang buksan ni Marco ang ilaw kaya lumiwanag ang buong silid. Nang mag-angat ako ng tingin ay naglalakad na siya papunta sa amin ni Yuri. Umupo siya sa gilid
