Ano pa ba ang aasahan ko kapag nagsama-sama ang mga anghel at ang mga demonyo?
Pareho silang makakapangyarihan. Parehong makikipaglaban hanggang sa kamatayan. At higit sa lahat, parehong matataas ang pride.
Napapabuntonghininga na lang ako habang pinaglilipat-lipat ko ang aking mga mata sa dalawang kumpulan ng magkakaibang mga lahi.
Lahat ay seryoso. Lahat sila ay diresto ang tingin sa mga mata ng kanilang mga kaharap. At lahat ay walang gustong magyuko ng kanilang ulo.
Alerto naman ako. Alam ko na isang maling kilos o salita ay maaari nang pagsimulan ng argumento na pwede'ng magtapos sa isang labanan. Dahil sa mga naghahamon na batuhan ng tingin ng magkabilang panig, kahit gusto ko na munang magbalik sa normal na anyo ko ay hindi ko na muna ginawa. Walang makakapagsabi ng maaaring
