Silence. It felt like a defeaning silence. Kahit ang totoo ay sige ang mabining pagaspas ng hangin sa paligid sukat na magsilangitngitan ang kumpulan ng mga kawayan, mangga at kamatsile roon. Nasa pantalan sila sa gilid ng Paoay Lake. May mga nakadaong doon na private motorboat at jetski na nang mga sandaling iyon ay pinagsasayaw lang ng paggalaw ng tubig. Direkta na roong matatanaw ang dating bahay ng pamilya Marcos na tinatawag na Malacañang of the North.
Nakasandig si Stanley sa railings ng pantalan habang siya nama'y kunwari ay tinatanaw ang kalawakan ng Paoay Lake. May nakayunyong na malaking puno ng mangga roon kaya hindi mainit. Sa sulok ng kanyang mga mata ay nakita niya ang malalim na paghingang ginawa ng lalake bago humalukipkip at nagbaling sa kanya.
"I'm waiting for your expl
