NAYA’S POV
Tinitingnan ko lang ang baso ng juice na inabot sa akin ni Nikolai. Hindi ko alam kung bakit, pero parang may alinlangan akong inumin ito.
Sakto namang bumukas ang pinto at pumasok ang bagong assistant secretary niya—si Miss Alindog. Napakunot ang noo niya nang makita ako, halatang nagtataka.
"Miss...?" Tiningnan niya ako mula ulo hanggang paa, bago dumapo ang tingin niya sa baso ng juice na hawak ko. "Anong ginagawa mo rito?"
May bahid ng iritasyon ang boses niya, pero agad din siyang lumingon kay Nikolai.
"Sir, hinahanap ka na ni Sir Olas sa meeting room," dagdag niya, halatang nagmamadali.
Napatingin sa akin saglit si Nikolai bago niya kinuha ang laptop at lumabas ng opisina. Iniwan niya akong hawak pa rin ang baso—at iniwan akong may nararamdamang kakaiba sa tingin ni
