Patagal ng patagal ay mas dumadami ang gawain namin, masyado talagang competitive ang school na napasukan ko. Mas gusto ko nga ‘yon dahil madami akong natututunan at hindi ako nababagot sa bahay dahil madami akong gagawin at saka ako pa rin naman ang nangunguna sa klase. Wala namang pakialam si Rico kung maging second siya kahit na nababasa ko sa isipan ng ibang tao na simula no’ng dumating ako, palagi ng pangalawa si Rico. Malaking kahihiyan daw ‘yon sa pamilya ni Rico ngunit hindi naman ‘yon ang nakikita ko dahil masaya pa nga siya.
“Everyone, since busy ang mga teachers ngayon. Gawin niyo muna ang mga pending activities na hindi niyo pa tapos, walang maingay,” aniya at napatingin sa akin. “Miss Ramos,” pagtawag niya ng atensyon ko.
“Yes, sir?” at tumayo ako.
“Ikaw munang bahala sa
