Makalipas ang ilang araw, bumalik na rin sa dati ang paaralan para sa 3rd quarter. Isang quarter na lang, matatapos na ang school year. Lumabas na rin ang resulta ng grades namin para sa 1st and 2nd quarter, makukuha naman namin ang report card ng grades sa darating na sabado. Bago umakyat ay nagtungo muna ako sa lobby upang tingnan na sa bulletin board kung anong top ko. Pagdating ko, muli silang gumilid para padaanin ako. Déjà vu.* Napailing na lang ako, naalala ko lang kasi ang nangyari no’ng first day of class.
Napangiti na lang ako nang makitang top 1 ako sa aming section, pagbaling ko ng tingin sa kabila para sa over-all ranking ng mga students for 4th year ay hindi naman nawala ang ngiti sa labi ko nang makitang top 2 lang ako dahil ang top 1 ay si Luiz. Masaya ako para sa kanya.
