Nang makapasok ako sa bahay ay nakita ko na sila tito at ang kanyang pamilya sa sala. Tumango naman sila at sinundan na lang ng mga mata ko ang pagtingin nila sa hagdan. Dumating na nga talaga si mama, nasa taas na siya. Sinamahan na ako ni manang patungo kay mama, siya na rin ang nagbukas ng pinto sa kwarto nito. Pagpasok ko ay nakita ko na si mama na nakaupo sa single chair malapit sa bintana kung saan madalas silang pumwesto ro’n ni papa habang nakadungaw sa bintana at nag-uusap. Naaalala ko pa dahil madalas din akong nandito sa kanilang kwarto no’ng bata ako para mabantayan nila akong dalawa, mga panahong hindi pa busy si papa.
“Silvina,” aniya at kaagad ko na siyang nilapitan upang yakapin. “I missed you.”
“I missed you, too Mom.”
Pagkalas ko sa yakap ay hinawakan niya naman ang
