Matapos ang examination ay nagsimula na kaming mag practice ng sayaw para sa foundation week, katatapos lang din ng meeting para sa preparation. May kanya-kanya na kaming gagawin kaya madali na lang. Mayroong sasayaw, gagawa ng props, at tutulong sa pag-ayos ng mga booth o activities.
“Dewill,” mahinang sabi ko na napukaw naman ang atensyon niya.
Katatapos lang ng first practice namin. Oras na para kumain, hindi ko makakasabay si Luiz ngayon dahil magkaiba na ang oras namin. Nagbabago talaga ang schedule kapag may preparation sa program dahil sa sobrang busy ng mga estudyante, may kanya-kanya ng oras. Kaya imbis na mag-isa, naisipan kong yayain na lang si Rico na kumain para naman makapag-usap na ulit kami tutal mga nakaraang araw bumabalik na ulit ang pakikitungo niya sa akin dati.
