Naisipang tawagang muli ni Hugo si Hannah nguniti hindi na ito sumasagot at ganoon din si Heaven. Hindi kaya ni Hugo na manatili sa bahay at maghintay na lang. Kailangang may gawin siya. Kung makakausap niya ang mga kaibigan ni Aaliyah, hihingin niya ang contact numbers ng mga teachers nito at iba pang kaklase. Kung maaari, tatawagan niya lahat ng nakakakilala kay Aaliyah. Naisip kasi niya na baka hindi ito humingi ng tulong sa malalapit nitong kaibigan dahil alam nito na ang mga kaibigan nito ang unang tatanungin ni Hugo para malaman kung nasaan ang dalaga.
“Sir Hugo,” mahinang sambit ni Manang Elisa sa pangalan niya habang nakaupo siya sa may sala at naglalakad ito palapit sa kanya habang halata niyang nahihiya ito sa kanya.
“Hindi ko pa rin po alam kung nasaan siya Manang,” mahina niy
