Hindi magawang tumayo. Nanghihina ang buo niyang pagkatao pagkatapos niyang matanggap ang masamang balita tungkol sa nangyari kay Aaliyah galing kay Chief Madrigales. Lutang ang kanyang isip at hindi niya alam kung ano’ng uunahin. Hindi niya alam kung pupunta ba siya sa punerarya o gigisingin niya sina Gael para ipaalam sa mga ito ang nangyari.
Umiiyak pa siya nang tumayo siya at naglakad palabas ng kanyang kwarto. Tinungo niya ang kwarto ni Gael. Napagdesisyonan niya na ipaalam muna kina Gael ang nangyari bago siya pumunta mag-isa sa punerarya, para asikasuhin ang labi ni Aaliyah.
Pinunasan niya ang kanyang pisngi at mga mata na mugto at namumula dahil sa pag-iyak. Humina muna siya nang malalim bago niya itinaas ang kanyang kamay para kumatok sa pintuan ng kwarto ni Gael. Tinawag pa n
