Ngunit hindi pa rin nagbabago ang madilim na awra nito. At tila isang sasabunging manok na gustong makipag-away.
"Sinabi ko na sa 'yo na huwag na huwang mong papapuntahin ang lalaking iyon dito! Bakit ba ang kulit mo, Bell?"
"Hindi ko naman siya pinapunta, saka para naman sa trabaho kaya nandito si Revas," paliwanag ko sa lalaki.
"Anong ginagawa ng cellphone? Bakit hindi na lang siya tumawag sa 'yo!" asar na asar na sabi ni Frank.
Napahilamos tuloy ako sa aking mukha. May nararamdam na rin akong pagkainis. Kaya masama ang loob na tumingin ako sa lalaking nakaka-irita.
"Kung wala ka naman pa lang tiwala sa akin, mas mabuti pang maghiwalay na lamang tayo! Sige na, umalis ka na sa bahay ko!" singhal ko sa binata.
"Hihiwalayan mo ako? Para ano, ha? Para puwede na kayo ni Revas na magtag
