Nagkunwari na lang ako na may gagawin sa kusina kaya iniwan ko na muna saglit sina Erin, Makoy at Lyndsay.
Ayoko na usisain pa ako ng anak ko tungkol sa pagpunta ng kanyang ama dito sa bahay.
Kung bakit naman kasi bigla na lang humalik pa ang asawa ko sa akin? Hayan tuloy at nakita pa kami ng bata.
Wala namang malisya dahil alam naman ni Lyndsay na mag-asawa kami ng kanyang Uncle Eduard. Pero ganun pa rin ay ayoko ng maulit na masaksihan pa ulit ng bata ang bagay na ginagawa lang ng mga matatanda.
Maya-maya ay nakarinig ako ng isang malakas na busina ng sasakyan sa labas ng bahay.
Nagmamadali naman akong lumabas sa kusina upang alamin kung sino na ang dumating sa mga hinihintay namin.
Naabutan ko ng nakadungaw na rin sa bintana ang anak ko at pinsan niya. Samantalang si Makoy ay lu
