"Mom, may hinihintay po ba kayo na dumating?" tanong ko kay Mommy ng mapansin ko na panay ang tingin niya sa labas ng bahay lalo na sa gate.
Sa tuwing tatahol pa ang mga aso sa kabilang bahay ay nagkakandahaba ang kanyang leeg na silipin kung may tao ba sa labas ng kalsada.
Isang linggo na simula ng makita at magkausap kami ni Daddy na hindi ko inaasahan na mag pupunta dito sa bahay noong araw na wala akong pasok sa university at sa trabaho ko.
Iniisip ko tuloy na baka nagkikita at nagkakausap na talaga ang aking mga magulang ng wala akong alam.
Hindi pupunta si Daddy at basta na lang magdo-doorbell sa gate kung wala siyang kailangan dito sa bahay. Isa pa, alam niya yatang madalas na maiwan dito si Mommy na mag-isa. At ng ako ang makita niya ay basta na lang akong tinalikuran para umal
