"Mom, kailan daw babalik si Daddy? Nasabi po ba niya kung saan siya nakatira ngayon?" mga tanong ni Erin.
Nakabalik na siya buhat sa kanyang eskwelahan.
Umalis na si Eduard kaninang bago magtanghali ng dumating na sina Lyndon at Abby galing sa paghatid sa kanilang anak.
Hindi na nga kami nakapag-usap ng maayos ng asawa ko tungkol sa nangyari sa pagitan nila ni Rodrigo.
"Wala siyang nasabi anak. Alam mo naman ang Daddy mo. Nagpaalam na lang siya na aalis na at hindi naman nagsabi kung kailan ang balik." Tugon ko kay Erin na kasalukuyan may ginagawang project para sa isa sa kanyang subject.
"Saan kaya talaga nakatira ngayon si Daddy, Mommy? Hindi ko talaga maiwasan na mag-isip na baka may iba na talaga siyang inuuwian na pamilya," sapantaha pa ng anak ko.
"Erin, narinig mo naman ang si
