Halos mabaliw na ako sa kaiisip kung ano ang magandang suotin para sa araw na ito. Gusto kong mainis kay Fire dahilan biglaan ang pag-aaya niya sa akin na sumama sa bahay nila dahil ipakikilala niya ako sa mga magulang niya.
Hindi ko alam kung ano ang dapat na maging reaksyon, kung matutuwa pa ako dahil totoong hindi niya nga ako ikinakahiya o maiinis dahil biglaan ang pagsasabi niya sa akin, tuloy ay hindi ako magkaundagaga sa paghahanap ng mga damit na babagay sa akin.
Gusto kong maging presentable ngayon lalo't alam kong mga magulang ni Fire ang makahaharap ko. Hindi ako puwedeng magmukhang parang babae lang sa tabi-tabi.
"Hell, kami 'to ni Paradise."
Napatigil ako sa pagpili ng mga damit nang marinig ko ang boses ni Heaven sa labas ng pinto. Dali-dali akong naglakad papunta ro'n at
