"Susuportahan ka pa rin namin, Fire! We love you!"
Nabigla ako nang marinig ko ang mga kataga na 'yon sa mga fans ng Metal Angels. Hindi ko alam kung ano ang magiging reaksyon ko at kung ano ang lalabas sa bibig ko. Hindi nila sinabi na kaya nila akong tanggapin pero natutuwa ako dahil sa kabila ng lahat, handa pa rin nilang tanggapin si Fire at sapat na 'yon para sa akin.
Sapat nang malaman na hindi maapektuhan ang magiging career niya, ang magiging career ng Metal Angels dahil alam kong mas lalo pa silang sisikat dahil sa galing nilang tumugtog. Alam ko na hindi lang hanggang dito ang mararating nila, marami pa silang maaabot kaya sobra akong natakot nang sabihin ni Fire ang mga katagang 'yn na hindi ko inasahan. Ang akala ko'y magiging katapusan na ito ng lahat. Ayaw kong masira siy
