Molly
Fiance? May fiance pala siya?
Huminga ako ng malalim at saka ko ibinaling ang aking atensyon sa ibang bagay. Ano naman sana kung may fiance siya? Wala namang kaming dalawa at tanging sa kama lang ang meron sa aming dalawa. Mas maganda nga ito para hindi na ako ang ikama niya.
"Molly."
Nakuha ni Kamille ang atensyon ko. Tumabi siya sa akin at inabutan ako ng beer in can na kinuha ko naman agad.
"Kailan ka uuwi sa probinsiya?" tanong niya.
Pareho kaming nakatingin sa malawak at maliwanag na dagat. Sobrang kalmado ng tubig... kasing kalmado ng nararamdaman ko ngayon.
"Next month siguro. Sasama ka ba?"
"Sana. Kaya lang sobrang dami kong ganap eh. Pero susubukan ko."
Matagal na rin nang huli akong umuwi sa probinsiya at namimiss ko na ang kapayapaan doon. Simula nang magtrabaho
