For the past few months ay naging maingat kami dahil malapit na nga akong manganak.
Kabuwanan ko na ngayon kaya nagpasya si Kurt na rito na lang magtrabaho sa bahay upang mabantayan niya raw ako.
Mahirap na at baka nasa opisina siya pag pumutok na ang aking panubigan.
Katabi ko siya ngayon sa may sofa sa baba. Nasa kandungan niya ang laptop habang ako naman ay nanonood ng mga pambatang palabas sa t.v.
Sinilip ko ng bahagya ang kanyang laptop. Nagbabasa siya ng mga email.
"Pahinga ka muna," malambing kong saad at niyakap siya mula sa kanyang tagiliran.
Tumingin siya saglit sa akin at ngumiti bago niya itinabi ang laptop sa maliit na mesa na nasa harapan namin.
"Naglalambing ka na naman," bulong niya at hinalikan ako sa aking sentido.
Ngumiti lamang ako sa kanya at kumagat sa mansana
