Chapter 47 Lihim
NAGISING si Britney no’ng maramdaman niy ang pamimigat ng kanyang pantog. Bumangon siya at bumaba sa kama. Hinagilap muna niya ang pangloob niyang tsinelas. Nang makita iyon kaagad niya itong isinuot at naglakad papuntang banyo. Ngunit nagulat siya nang makitang wala na ang asawa sa kabilang side ng kama. Tiningnan niya ang orasan na nakasabit sa wall. Napamura na lang siya nang makitang alas siyete na ng umaga.
Nasobrahan ’ata ng pagod ang kanyang katawan. Dahil ultimo alarm clock ay hindi niya narinig. Ngayong araw ng Lunes ang simula ng trabaho ng kanyang asawa bilang Presidente ng Medrano Empire. Kaya kagabi pa lang no’ng dumating sila sa mansion ay inayos na niya ang pangangailangan nito at nai-set din niya ng maayos ang alarm clock sa besides table. Baka nga nasob
