SAKTONG ALAS OTSO ng gabi, nang iparada ni Joel ang kanyang pick up sa harap ng isang kilalang restaurant sa bayan. Matapos iparada ng maayos ang sasakyan ay nauna siyang bumaba at umikot papunta sa kabilang pinto. Binuksan niya iyon at buong pusong inalalayan ang asawa. Pagkatapos no’n pumasok sila sa nasabing restaurant.
“Good evening, Ma’am and Sir! Welcome po sa JAY-TECH Restaurant,” nakangiting bati sa kanila ng isa sa staff ng restaurant. Iginaya sila nito sa reception desk. “Do you have a reservation, Sir?”
Ngumiti si Joel. “Yes.”
“My I know your name, Sir?
“Joel Patrick Medrano.”
Tumingin ang babae sa kasama nito at sinabi ang pangalan ni Joel. Maya-maya pa at iginaya na ng babae ang mag-asawa sa pinakaloob ng restaurant. Habang naglalakad pasimpleng tiningnan ni Britney
