“Ano kamo?!” Dumagundong ang tinig ng Tatay niya. Napapiksi siya sa lakas niyon.
Patay na. Her inner self covered her face with both of her hands.
Kung kanina ay hindi namansin ang Nanay niya dahil sa pagkabigla, ngayon naman ay hindi mapigilan ng Tatay niya ang emosyon nito. Napasulyap siya sa Tatay. Nakita niya na namumula ang buong mukha nito.
“’T-Tay,” Hindi niya na napigilang sumabat. Siya ang mas nakakakilala sa mga magulang niya kaya gusto sana niya na siya ang magpaliwanag sa mga ito. Hindi niya gustong tuluyang sumama ang tingin ng mga ito kay Aries. Nag-aalala rin siya sa Tatay niya. Baka kung mapaano pa ito. Matanda na rin ito at baka tumaas ang presyon nito sa sama ng loob.
Tumingin sa kanya si Aries at umiling bago bumulong sa kanya. “Let me,”
Tumango siya. Napatitig si
