"Uy, Leo! Okay ka lang ba? Baka naman mabunggo tayo niyan," sambit ni Cindy sa tulalang binata.
Tumango lang si Leo sa kanya habang nagmamaneho ito. Hindi naman niya mapigilan ang mapaisip ng kung anu-ano dahil sa hindi pagpaparamdam ni Liza ng ilang araw. Ang usapan kasi nila bago niya ito iwan ng hinatid niya ito sa probinsya ay luluwas na ito ng Maynila makalipas lang ang dalawang araw. Pero lumampas na ang isang Linggo ay hindi man lang niya ito nakakausap ng personal. Nag-aalala si Leo dahil hindi naman ito gawain ng nobya. Muli siyang napansin ni Cindy na tulala na naman habang nagmamaneho kaya kinurot na niya ang pisngi nito para magising ng bahagya.
"A-aray! Cindy ano ba?" wika ni Leo na halatang nasaktan sa pagkurot ni Cindy sa pisngi nito.
"S-sorry! Ikaw naman kasi, eh! Kanina
