Nang makapasok na si Liza sa terminal ay saka naman pumatak ang luha nito. Muli niyang tiningnan ang kanyang pamilya sa labas ng terminal, ngunit nakaalis na ang mga ito. Napabuntong-hininga na lang ito ng hindi na niya nakita ang kanyang ina, ama at ang bunsong kapatid sa labas ng terminal. Bakas na bakas sa mukha ni Liza ang lungkot sa kanyang pag-alis.
Habang si Liza ay papasakay na ng eroplano, si Leo naman ay walang tigil sa pagtetext sa kanya sa pag-aakala na mababasa pa ito ni Liza. Lingid sa kaalaman niya at ng matalik nitong kaibigan na si Sophia ay umalis na si Liza para magpagamot sa Amerika. Wala silang kamalay-malay na may pinagdadaanan ang kaibigan. At nang hindi pa sumasagot si Liza sa mga text ni Leo ay nag-alala na ito kaya sinubukan na ng binata na tawagan ang nobya, per
