Bago siya lumabas ng bookstore ay muli niyang sinulyapan ang binata. Nakita ng binata ang pagsulyap ni Zoe sa kanya, kaya nginitian siya nito at ginantihan din naman siya ng ngiti ni Zoe saka ito umalis ng bookstore. Hindi niya mawari ang kanyang nararamdaman ng mga oras na iyon. Pakiramdam niya ay pinaglilihian na yata niya ang binata. Nang una niyang makita ito sa loob ng bookstore ay namangha siya kaagad sa ganda at kulay ng mata nito. Malabughaw ang kulay ng mata nito na may mahahabang pilikmata, matangos ang ilong, may manipis at mapupulang labi. Kaya kahit sino ang makakakita sa binatang iyon ay mahuhumaling sa ganda ng mukha nito.
“Ano ba itong nararamdaman ko sa taong iyon,” bulong nito sa sarili habang papalabas ng mall.
Nagkataon naman na papalabas na rin ng mall ang binata kay
