“Akyat muna tayo sa taas Zoe.” Pag-aaya nito sa kaibigan. “Manang Linda, aakyat po muna kami,” dugtong pa nito.
“Sige, mauna na kayo sa taas at isasara ko lang muna itong gate,” anito.
“Sige po.”
Pag-akyat ng dalawang magkaibigan ay naupo muna ang mga ito sa sofa. Si Sophia ay tahimik lang na naupo, samantalang si Zoe naman ay hindi mapakali. Tumayo ito at nagtungo sa may kusina para kuhanan ng tubig ang kaibigan.
Bumalik ito kay Sophia at iniabot ang tubig na kinuha nito. “Salamat, Zoe.”
“Okay ka na ba, Sophia?” pag-aalang tanong ni Zoe sa kaibigan.
“Medyo,” aniya saka ito humarap kay Zoe at pilit na ngumiti ito para hindi na mag-alala pa ang kaibigan.
“Gusto mo bang pag-usapan?”
“Hindi na. Okay naman na ako.” Pero ang totoo ay gusto na niyang magkulong sa kanyang silid na mag-isa
