Maging sa taxi ay hindi na umiimik si Zoe kaya labis na ang pag-aalala ni Sophia sa kanya. Kahit hindi umiimik si Zoe ay pasulyap-sulyap pa rin si Sophia sa kanya. Gustuhin man ni Sophia tanungin ang tungkol sa napag-usapan nila ng doktor ay hindi nito alam kung paano nito itatanong. Napapakamot na lang si Sophia ng ulo kapag napapasulyap ito sa kaibigan.
“Ano kaya ang naging resulta ng ultrasound?” bulong ni Sophia sa kanyang sarili.
Kapag tatangkain niyang magtanong kay Zoe ay bigla na lang itong umiiwas. Sinubukan din ni Sophia na hagurin ang likod ng kaibigan pero pilit nitong tinatanggal ang kamay ni Sophia sa kanyang likuran. Sumandal si Zoe sa upuan ng taxi at marahang pumikit. Nang makita iyon ni Sophia ay hinayaan na lang muna niya itong makaidlip. Maging siya ay napasandal sa
