Pagkatapos ng ilang araw ay nagdesisyon si Lacim na makipag- family dinner sa kanyang pamilya na una pa lang ay alam nang nagpakasal siya at may asawa na. Hindi na iyon tinutulan pa ni Aleigh dahil maging siya ay nais nang maging maayos ang kanilang mga pamilya. Ayaw na rin niyang maglihim pa sa kanila at itago pa ang sekreto nang matagal. Doon rin naman iyon papunta, at isa pa ay napag-usapan na rin nilang mag-asawa na muling magpakasal kapag naging maayos na ang lahat. Bagay na hindi na mahintay pa ni Aleigh dahil pakiramdam niya ay iyon ang kauna-unahang pagkakataon na ikakasal siya.
“Sigurado akong magugustuhan nina Mom at Dad si Ale, carbon copy ko eh.” mayabang na turan ni Lacim habang nagmamaneho ng kanyang sasakyan, patungo sila sa bahay ng kanyang mga magulang upang ipakilala
