Tahimik na nakaupo lang si Aleigh sa sofa sa loob ng silid ng hospital. Nakapatong ang kanyang dalawang palad na nanlalamig sa kanyang dalawang hita. Nakaupo sa gilid ng kama ni Amorsolo na kanilang ama ang tiyahin niyang si Felia, habang si Sioling na ina niya ay tahimik lang at panaka-naka ang sulyap sa kanya. Hindi niya mailarawan ang kaba na kanyang nararamdaman ng mga oras na iyon kahit pa alam na niya ang tunay na pagkatao ay hindi niya pa rin iyon mawala sa sarili. Naisip niya na mas maayos sana ang kanyang pakiramdam at kaya niya itong harapin ng may ngiti sa labi kung kasama niya doon ngayon si Freya. Magkasama nilang papakinggan ang mga paliwanag nila ukol dito. Ngunit wala ito, umalis at pilit na tinatakasan ang katotohanang kanilang natuklasan.
“Kasalanan ko ang lahat,”
