Mag-isang nagtungo si Lacim sa bar at doon nagpakalango sa alak na kahit anong gawin niya ay hindi siya nito magawang lasingin. Sunod-sunod niyang nilagok ang baso ng alak na walang patid na ibinibigay ng bartender. Nasa exclusivo siyang bar na pag-aari ng kanilang pamilya na siya rin mismo ang nagpapatakbo nito. Kung kaya naman walang imik ang bartender na bigay lang nang bigay sa kanya ng shot. Panaka-naka ang sulyap nito sa kanyang palad na bahagyang natuyo na ang dugo. Hindi iyon pinansin ni Lacim, wala rin namang lakas ang bartender na magtanong sa kanyang boss tungkol sa sugat.
“Boss, isa pa po ba?” alanganing tanong ng bartender nang bahagyang sininok at suminghot si Lacim, senyales na bahagya na siyang tinatamaan ng alak sa katawan.
“Huwag kang titigil hangga’t hindi ko sin
