Kanina pa nakatulala si Lacim at hindi niya matanggal ang kanyang mga mata sa screen ng kanyang hawak na cellphone. Binaha siya ng tawag mula sa kanyang mga kaibigan. Ilang mura ang natanggap niya mula kay Mico na hindi makapaniwala sa mga larawan na naka-post sa social media account. At kahit anong paliwanag niya dito ay ayaw nitong makinig at maniwala pa sa mga sasabihin niya dahil sarado na ang isipan nito sa ngayon. Nabulag na ito ng labis na inis sa kanya at hindi niya na nito nais pang makinig sa kanya.
“Dude, ano itong nakita namin sa social media ha?!” unang sambit nito pagkasagot niya pa lang ng tawag nito sa kanyang ilang beses na, nasa hallway siya ng hospital sa mga oras na iyon kung saan ay may kasalukuyang check up si Eurice na sinamahan niya na hiling na rin ng kanyang m
