Ilang araw lang ang itinagal ni Aleigh at Aiza sa kanilang baranggay, hindi pa sila umabot doon ng isang linggo at tumulak na rin sila patungo sa Villa na binili ni Aleigh upang doon siya mamalagi hanggang sa kanyang iluwal ang unang supling na kanyang dinadala. Hindi na nagtanong pa ang kanyang ina na ang tanging alam ay magbabakasyon lamang siya doon, ganundin ang kanyang step-father na agad nagbago na ang trato sa kanya ngayon. Hindi na rin ito masakit tumitig sa kanya, nang nagdaang taon ay binilhan niya pa ito ng dalawang kalabaw upang gamitin sa pag-aaro sa munti nilang bukid na sumusuporta sa pag-aaral ng kanyang dalawang kapatid. Iwinaglit na rin niya sa kanyang sarili ang dala niyang galit, tutal masaya na rin siya ngayon at kapiling niya na rin ang sarili niyang ama.
“Mag-iin
