Agad na nangunot ang noo ni Aleigh pagkaupo niya sa sala ng maliit na tahanan nina Freya. Walang imik siyang naupo sa sofa, malayo sa kanyang Kuya Froylan na banda. Kagaya niya ay may sarili rin itong mundo, nakasandal ang kanyang likod sa sofa habang ang kanyang mga mata ay nasa mababang kisame ng sala ng maliit na tahanang iyon. Huminga ng malalim si Aleigh, nasa screen pa rin ng cellphone ang kanyang mga mata. Hindi niya maintindihan kung bakit paulit-ulit lang ang mensahe ni Lacim para sa kanya. Oo, nangako siya na tatawag pagkatapos subalit hindi niya inaasahang maghihintay ito. Bagay na naisip niya na parang mayroon ditong kakaiba, hindi niya lang iyon mahulaan.
Lacim:
Babe, hindi pa tapos ang dinner niyo?
Babe, tawagan mo ako kapag tapos na kayong mag-dinner or chat mo a
