Chapter 31
"THE patient is suffering from brain hemorrhage. Dahil po siguro iyon sa malakas na pagkabagok ng ulo niya. Kailangan na po natin siyang ihanda sa surgery immediately, or else mauubusan ng oxygen ang utak niya. At kapag naubusan ng oxygen ang utak niya'y maaaring ikamatay iyon ng pasyente."
"Diyos ko! Lucio, ang a--anak natin!"
Nanginginig ang buong katawan ko habang nakikinig sa mga sinasabi ng doktor. Napatakip ako ng mukha at humagulgol. Binalot ng takot ang aking dibdib.
H-hindi siya maaaring mawala. Kailangan pa niyang bumawi kay Sagan. Kailangan pa siya ng anak niya.
"Ma'am, Sir, kung maari po sana ay sumama kayo sa 'kin para mapirmahan na ninyo ang waiver."
"Leticia, huminahon ka. Magiging maayos din ang lahat. Pakalmahin mo ang sarili mo at baka mapa'no ang puso mo
