"Saan ka na naman pupuntang bata ka?" tanong ng Mama niya nang makitang nakabihis siya.
"Sa bookstore lang po, Ma. Ubos na kasi 'yung notebook ko."
"Bakit kasi ayaw mong bumili ng laptop mo? May sapat naman tayong pera."
Halos dalawang buwan na silang naninirahan dito sa isang isla sa Palawan. Kasama niya sa bahay si Ayah at si Miguel na ngayon ay gusto ulit sumabak sa serbisyo sa militar. Si Ricardo ay nasa karatig na isla na ngayon ay nag-e-enjoy lang sa pangingisda. Tahimik ang buhay nila ngayon bagama't hindi niya alam kung hanggang kailan. Ang sabi ni Ricardo ay pinaghahanap pa rin sila ngayon ng Papa niya. Wala raw itong ginawa kung hindi magalit sa mga tauhan at magmukmok sa silid habang naghihintay ng balita kung saan sila nagtatago ni Ayah. Si Orlando at Rosalia pansamantala a
