"Kawawang Adrian mukhang stress na dahil sayo. Sana maayos ang result mo kasi kung hindi baka ma realize ni Adrian na mas masaya ang buhay noong kami pa."
Sumandal si Eliza sa dulo ng kama pero nakabantay sa galaw ng family doctor habang kinukunan ako ng laboratory.
"Hindi ba siya nagrereklamo?" mahinang tanong ko sa kanya.
"Siyempre hindi dahil tinitiis ka niya." mabilis na sagot ni Eliza sabay buntong-hininga na tila ba naaawa. Lumapit siya sa side table at inayos ang prutas na inilagay doon ni Adrian kaninang umaga.
"Masyado kasing protective si Adrian. Gagawin niya ang lahat para sa taong hindi naman kaano-ano. Pero Roxane, ako ang kasama niya sa opisina. Nakikita ko ang lahat ng nangyayari. Pinag-uusapan na nga siya sa trabaho dahil palagi siyang umaalis nang maaga tuwing sinasab
