CLARISSA POV.
Nang makauwi sa unit kasama si Lea ay nagpasiya akong hindi muna umalis kasama ng mga ito. Buong maghapon lamang kami magkakasama nina Atong at Lea sa buong unit. Masama ang loob ko kay Zact, pero sino ba naman ako sa kaniya. Reklamo ko sa isipan ko. Buong araw rin hindi nagparamdam si Zact, doon ay nagtataka ako. Natapos na lamang ang buong araw at ngayon nakahiga na kami sa kama ng mga kapatid. Katabi ko si Lea habang katabi naman nito si Atong.
"Ate, bakit hindi ka pa rin natutulog?" tanong ni Lea at nilingon ko ito.
"Ikaw bakit hindi ka pa tulog?" tanong ko.
"Hindi pa naman ako inaantok, 'e" turan nito.
"Bukas, papasok ka na sa school kasama ni Atong. Ingatan mo ang sarili mo pati na iyang tahi sa tiyan mo," wika ko rito.
"Opo, Ate. Exited na nga ako pumasok ul
