DSECRET 26: CONSCIENCE
Napayakap ako sa aking sarili ng tumama ang malakas na simoy ng hanging sa aking braso. Ilang minuto na akong naghihintay mula sa aking kina-uupuan at hanggang ngayon ay wala pa rin siya.
Tinaas ko ang aking braso para tignan ang oras. Ngayon lang siya na late sa tuwing nagkikita kami, kung sabagay ay alam ko na busy na sila sa pagprapractice nitong mga nakaraang araw. Sa susunod na buwan na ang second round ng contest na sinalihan nila sa Romblon. At ilang araw nalang ang natitira sa kanila para mag-ensayo.
“Denise!” dinig ko na sigaw mula sa hindi kalayuan.
Nakita ko si Cholo. Nakasuot ito ng jogging pants at tumatakbong lumapit sa pwesto kung saan ako naka-upo.
“Pasensya na,” sambit niya habang hinahabol ang kanyang hininga, “Kanina ka pa ba dito?” tanong niy
