DSECRET 26
“Sweetie, andito na tayo. Gising na,” sabi ng isang tinig sa aking tabi.
Ramdam ko ang kamay nito sa aking balikat na animo’y inuuga ako ng marahan sa aking kina-uupuan. Unti-unting tumambad sa akin ang maliwanag na sikat ng araw mula sa kanyang bintana ng imulat ko ang aking mga mata.
“Kanina pa ba tayo?” tanong ko sa kanya at tinignan ang oras mula sa relo na nasa kamay ko.
“Kanikanina pa. Hindi na kita ginising dahil mahimbing pa ang tulog mo,” pagrarason niya.
Tumango ako sa kanya. Inayos ko ang pagkaka-upo ko at inayos ang buhok na lumalandas sa aking mukha.
“Hindi ako nakatulog kagabi ng maayos dahil sa hindi malaman na dahilan,” pag-amin ko.
Hindi ako nakatulog ng maayos kagabi dahil sa excitement para ngayong araw. Pati nga gamot ay na ihanda ko na sa bag ko para
