KINABUKASAN, alas singko y media pa lang ay nakasuot na si Angela ng activewear at ganoon din si Torin. Nag-inat silang dalawa ng katawan bago nagsimula sa pagtakbo.
"We will start this routine starting today, okay?" ani Angela kay Torin.
"Okay, wife."
Matatagpuan sa isang pribadong village ang bahay ni Torin sa Legaspi at naroon iyon sa dulong bahagi kaya wala silang sasakyan na naririnig sa paligid. Malaki rin ang sinasakop ng kabuuan ng bakuran nito.
Malayo-layo na ang itinatakbo nila nang pagmasdan ni Angela ang village. Masigla ang mga puno at halaman sa paligid. Malalaki at nagtataasan ang mga bahay. Hindi niya iyon gaanong napapansin sa ilang beses na dumaan siya roon habang sakay ng sasakyan. Mukhang mag-eenjoy siya na tumakbo tuwing umaga dahil maganda rin sa katawan ang sari
