SA LIVING ROOM ng bahay ni Torin.
Naka-dekuwatro ng upo si Evelyn habang nakikipagkuwentuhan kay Gloria. Inuusisa nito ang may-edad na babae. Habang si Mr. Madrigal ay panay ang hithit ng sigarilyo na naroon sa pintuan at naghihintay sa panganay na anak.
"Miss Evelyn, akala ko po ay hindi ka na babalik," usisa ni Gloria.
Umismid ito sa narinig. Hindi mapipigilan ni Angela na magpunta ito sa bahay na iyon kung gugustuhin nito. Kaya naman nakagawa ito ng paraan na dalhin si Mr. Madrigal roon para ipamukha sa babae kung sino sa kanila ang papanigan ng ama. Alam nito na takot si Angela sa lalaki.
"I don't care about her," sabi ni Evelyn na itinaas pa ang kamay, sinuri ang mahaba at makulay na kuko. "`Nga pala, kumusta naman kayo rito sa bahay?" dagdag na tanong nito.
"Ayos lang po."
Sa t
