AUGUST 17
NUMBER 5: Regalo.
Nandito na naman kami sa parke. Nakatayo at giniginaw. Nagtatanong ang mga mata niya. Ako naman ay labis na tuwa ang nadarama sapagkat ay napapayag ko siya na magkita kami. Hindi ko na pinigilan ang sarili ko at ninakawan ko siya ng halik. Isang magaan at maingat na halik ang idinampi ko sa mga labi niya. Hindi ko siya kinakitaan ng pagkabahala. Bagkus ay nakatanggap ako ng masuyong ngiti pagkatapos. “Ed, nakaisa ka na, ha. Ano ba ang ginagawa natin dito?”
Mula sa bag ko ay kinuha ko ang regalo ko sa kanya. Hindi ko na iyon binalot pa. Isang kwaderno at mga lapis ang iniregalo ko sa kanya. Antigo ang disenyo ng kwaderno samantalang isang dosena naman ang lapis na iba-iba ang kulay. Sa bawat lapis ay may nakatalaga na mood. Halimbawa, sa puti na lapis ay, “For
