AUGUST 1
PANIBAGONG BUWAN. Panibagong yugto. Exam week na sa ikalawang linggo ng buwan. Tanghali na ako bumangon dahil weekend naman. Pagtingin ko sa bedside table ay may nakahandang tray na naglalaman ng almusal. Ang mas nakakuha ng pansin ko ay ang sulat na kalakip niyon.
Anak, inumaga ka na ng uwi. Aalis kami ng tatay mo. Mawawala kami ng dalawang linggo dahil bibisitahin natin ang kamag-anak nating nagpapababang-luksa. Hindi na namin kayo sinama dahil sabi ng kapatid mo ay malapit na kayong mag-midterm. Mag-ingat kayo ni Evan. Mag-review. - Mama
Tumayo na ako. Hinayaan kong hindi maayos ang kama at bumaba sa kusina bitbit ang pagkain at doon kumain. Sa sala ay abala sa panonood si Evan at nakahiga pa sa sofa.
“Wala kang lakad?” tanong ko.
Umungol lang ito. Wala raw, iyon na ang
