MAKALIPAS ANG ISANG LINGGO…
NARAMDAMAN ko na lang na ginigising ako ni Evy at napako ang tingin ko sa aking hita. Gamit pala ang paa niya ang pinanggising sa ‘kin. Napakunot-noo akong bumangon dahil gabing-gabi na. Wala si Alfred dahil bukas pa ang uwi dahil may buhos daw sa site. Mag-isa lang ako ngayon sa kwarto.
“Ba ‘yan! Ang tagal mo naman bumangon?” inis niyang bulong.
“Heto na… babangon na, po.”
Nang tumayo ako ay sumunod naman si Evy sa akin palabas at nadatnan ko na may nakaupong lalaki sa sofa. Sinitsitan ito ni Evy at lumingon. Laking gulat ko noong ibang lalaki na naman ito. Napakamot na lamang ako ng ulo ko dahil wala naman akong magagawa sapagkat iyon ang kaniyang trabaho. Sino ba naman ako para manghusga at hindi rin naman ako perpektong tao. Para sa ‘kin ang lahat ay m
