Huminga ako nang malalim, bago nag-dial sa numerong ibinigay ni Mr. Smith sa akin. Ito iyong number ni Levi, naka-save naman ito sa phone ko ngunit naiwan nga lang sa apartment. Wala akong nadala kung 'di ang sarili ko lang din.
Nanghihina pa rin ako sa reyalisasyong nangyayari, kasabay nang kaguluhan sa utak ko. Ewan ko. Hindi ko na alam, litung-lito na ako na para bang hindi ko na magawang makapag-isip ng tama ngayon.
Mayamaya pa nang humampas ang napakalakas na hangin sa kabuuan ko, bumalik ako sa kaninang kwarto at heto nga, nasa balcony ako upang doon lumanghap ng sariwang hangin.
Naturingan itong kwarto ni Thalia, sa kadahilanang nandito ako ay nasa kabilang silid sila ni Evan, kasama ang kanilang anak. Tantya ko pa ay alas dies na ng gabi, kaya marahil ay tulog na ang mga iyon.
