Tama, wala namang nagbago sa akin at sa pagmamahal ko sa kaniya. Mas minahal ko lang si Levi, gaano man ako pagtaksilan ng mundo. Siya pa rin iyong mahal ko at hindi na mababago iyon.
Ngayon ko lang natanto, hindi iyon matatawag na katangahan o pagka-martyr. Hindi mo matatawag na tanga ang sarili mo dahil nagmahal ka lang, walang mali roon.
Wala mali kung paulit-ulit mong mahalin iyong partikular na tao, sa kaniya ka kasi sumaya. Sa kaniya mo naramdaman iyong pakiramdam na maipaglaban ka, na masuklian iyong pagmamahal mo.
Syempre, kaakibat naman talaga ng salitang pagmamahal ay ang katagang masakit kaya tayo nasasaktan, kasabay ng sakripisyo at pagpaparaya. Iyon ang tunay na kahulugan ng pagmamahal.
Nang makababa si Levi sa sasakyan ay deretso kaagad ang atensyon nito sa akin, walang
