Umiling si Amira at binawi ang kamay mula sa pagkakahawak ni Francois. “Isang malaking kalokohan kung iniisip mo na makakabalik pa tayo sa dati. Imposible na iyon. Hindi na ikaw ang kaibigan na inaakala ko. Hindi na rin ako ang babaeng kilala mo. Kung wala sana ako sa posisyong ito, baka okay lang na walang magbago sa atin. At kung naging simpleng chef ka lang sana at wala kang kinalaman sa kompanya, wala tayong magiging problema. Pero hindi tayo pwedeng magpanggap at mabuhay sa mundo ng ilusyon. Ikaw si Francois Mosqueda na anak ng presidente at CEO ng kompanyang ito. May ten percent shares ka sa kompanya. At natitiyak ko na hindi mo rin nanaisin na manatili ako nang matagal dito. Baka isa ka rin sa mga gustong huwag kong makuha ang mana ko dahil isang kaaway ako. May rason ang mga board
