"Bakit hanggang ngayon hindi makita ang bangkay ni Abellius, 'Tay? Na-check niyo ba ang CCTV ng lugar kung sa'n nakalagak ang katawan niya?"
Napatingin ako kay Aling Joy pero kahit ito, wala ring alam sa pagkawala ng bangkay ng halimaw na 'yon. Kumpleto kaming lahat maliban kay Jerry na nagpaiwan sa London.
"Mukhang sira, Zyair, dahil walang record," sagot ni Herming. "Na-plano ito nang maayos ng kung sinumang tumangay sa katawan niya. Mag-usap muna tayo nang masinsinan. Magpahinga na kayong lahat dahil gabi na."
Nagkanya-kanyang nang pulasan ang mga kasama ko para magpahinga. Gabi na ang dating namin dito pero hindi pa rin namin malaman kung sa'n na ang bangkay na pinakakaingatan namin.
"Zyair..." Inakbayan ni Herming ang anak bago ito giniya sa isa pang kwarto. "Tanging kami lamang
