Masigabong palakpakan ang sinalubong ng mga tao kay Zyair nang matapos nito ang speech sa harap ng maraming tao. Nagkikislapan ang mga camera nang matutok ito sa lalaki.
Proud na proud ako sa magiging asawa ko at labis ang pasasalamat ko kay Lord na binigyan nito ng pangalawang buhay ang mahal ko.
"Ate." Nginuso ni Cyrish ang mga tao sa harap. "Smile, Ate. Madadyaryo na naman tayo nito at mafe-feature sa Tv."
Napangiti ako sa mga kumukuha ng litrato sa'min. Naging pangkaraniwang buhay ko na ang ganito. Naging instant celebrity kami ng pamilya ko dahil sa alamat ng Mondabor. Isasa-pelikula rin ito kaya grabe na ang pagka-busy ng nobyo ko sa mga trabaho nitong kabilaan.
Naramdaman ko ang pagtabi ni Zyair sa'kin at ang mahigpit na paghawak nito sa kamay ko.
"Sorry, guys. We need to go!"
